Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi, ayaa dalka dib ugu soo laabtay ka dib booqasho rasmi ah oo shan maalmood qaadatay oo uu ku joogay dalka Jabuuti.
Guddoomiyaha iyo wafdigiisa ayaa intii ay ku sugnaayeen magaalada Jabuuti waxay kulamo miro-dhal ah la qaateen Madaxwaynaha Jabuuti Mudane Ismaaciil Cumar Geelle, Guddoomiyaha Baarlamaanka Jabuuti Mudane Dileita Mohamed Dileita, sidoo kale waxa ay xubnaha wafdigu shir doceedyo la qaateen xubnaha Guddoonka Guddiyada Baarlamaanka Jabuuti, madax iyo marti sharaf kale, waxayna sidoo kale booqdeen magaalada Carta oo ah halkii lagu yagleelay Dowladdii kumeel gaarka ahayd sanadkii 2000.
